May 28, 2022

Jim Iyke and Uche Maduagwu: Nollywood actors appear to fight inside viral video – BBC News

  • October 31, 2021
  • 2 min read
Jim Iyke and Uche Maduagwu: Nollywood actors appear to fight inside viral video – BBC News

Wia dis foto come from, Instagram
Nigerian actors Jim Iyke and Uche Maduagwu 'alleged fight' na topic wey many pipo don begin tok about.
For inside one video wey dey trend for social media, di two Nollywood actors, Iyke and Maduagwu bin put leg inside one trouser.
E no dey clear wetin cause dis altercation or weda di video na part of scene for upcoming movie.
Wetin we know be say, some days ago, Maduagwu bin question Jim Iyke source of wealth and expensive lifestyle for social media.
Maduagwu make some claims about Jim Iyke clothes and even allege say Nigeria fraud police – di Economic Financial Crimes Commission – suppose invite am.
But for inside di video, Jim Iyke confront Maduagwu and if not for pipo wey separate dem di two for quanta wella.
Maduagwu shout for di video say im go sue Jim Iyke.
During the altercation, Maduagwu could be heard saying, "I will sue you," after his shirt was dragged by Iyke whom he warned, saying, "EFCC will arrest you."
Jim Iyke wey e real name na James Ikechukwu Esomugha and Uche never tok anything about di incident for dia social handles.
Many Nigerians don begin share dia hot takes on di matter for social media.
Chukwuemeka Nwanunu for BBC Pidgin Facebook page say "na jealousy dey worry am [Uche Maduagwu]".
For Herbert-Appeal, im take na say: "Yanga day sleep, trouble come wake am." Im add say make pesin "no go do pass diasef".
BBC Pidgin still dey chook eye for dis matter and we go update dis tori once both of dem respond to our calls.
© 2021 BBC. De external site no concern BBC. De way wey we de take go external link.


About Author


Leave a Reply

Your email address will not be published.

This site uses Akismet to reduce spam. Learn how your comment data is processed.