July 5, 2022
Uncategorized

Seyi Shay Nigerian Idol: Seyi Shay feedback to Nigerian Idol 17yr old contestant vex many – BBC News

  • November 1, 2021
  • 3 min read
Seyi Shay Nigerian Idol: Seyi Shay feedback to Nigerian Idol 17yr old contestant vex many – BBC News

Wia dis foto come from, InSTAGRAM
Seyi Shay and Nigerian Idol contestant Torrus
Seyi Shay Nigerian Idol feedback to one 17 year old contestant don vex many young pipo across di west African kontri.
Di Nigerian Singer-songwriter tell di teenager say: 'You're Never Going to Make it as a Singer'.
But di young man don reply Seyi Shay say im no go ever stop afta her feedback wey provoke many sotey e climb top trends on Monday.
For inside video clips of di audition wey don go viral, Seyi Shay wey no dey impressed wit di boy performance as e appear before di judges tell am say e no go make am as a singer but e fit make money as a song writer.
''Somebody don lie give you. Somebody tell you say make you come here do audition. Go back go tell dem say dem no be your friend because dis your audition, you no try.
"Your voice sweet to tok and e show wen you dey sing but your performance na zero. You no go ever make as a singer. I love you, you dey so sweet but you no be singer. You no be singer.
For song writing, hit me up, we fit tok but singing no go work. Sorry Darling'' she tok."
From di audition, di young boy voice bin dey shake and di comment by Seyi Shay show fear and disappointment for im face.
Nigerian singer Seyi Shay don thank everybody wey dey make her trend for Nigeria social media, she say dem dey make her feel like Judge Judy.
She bin tweet dis one afta pipo reaction to her comment about one 17 year old male contestant wey come audition for di popular Nigerian music show, di Nigerian Idol.
Seyi wey be one of di judges for di show don chop plenty criticism from Nigerians for social media.
Meanwhile, di young man wey describe himsef as @ayoturri for Instagram also tok say im no go ever stop,
Many Nigerians don chook mouth for di mata for social media, some say na her work she dey do, others say di way she follow di boy tok no good and e dey very discouraging.
Wia dis foto come from, TWEEP
Reactions to Seyi Shay comment on Nigerian Idol
Wia dis foto come from, TWEEP
Reactions to Seyi Shay comment on Nigerian Idol
Wia dis foto come from, TWEEP
Wia dis foto come from, TWEEP
Reactions to Seyi Shay comment on Nigerian Idol
Seyi Shay real name na Deborah Oluwaseyi Joshua Odedere. She bwe Nigerian based singer, song writer, recording artist and perdormer. Her song Seyi or Shay wey she release for 2015 blow her into limelight.
Dem born her for Dec 21 1985 for Tottenham, London England and she be di last born. Her mama na from Northern Nigeria and her papa na from di western part of di kontri.
Seyi attend Command High School, Maryland, Lagos for her secondary school education. she later go London for her undergraduate studies. Firstly, she attend one local UK college where she studied music, then move go di University of East London, where she get degree in Business Management.
Shay sign her first record deal with No Apology. For 2006, she form girl Band, Boadicea. Di bnd scata for 2008.
Hit songs like Right Now, Yolo Yolo, Gimme Love, Irawo, make her popular.
Nigerian Idol bin reveal her as one of di judges wey go dey for di 2021 show.
© 2021 BBC. De external site no concern BBC. De way wey we de take go external link.

source

About Author

redex

Red ExplorerNG is an online platform showcasing the richness of African culture. It provides online information that is not only limited to the following categories: Culture, Lifestyle, Entertainment, Business, Sports, Books, News, and Opinions.

Leave a Reply

Your email address will not be published.

This site uses Akismet to reduce spam. Learn how your comment data is processed.