August 19, 2022
Uncategorized

Adesua Etomi Wellington, Banky W baby Zaiah: Baby Zaiah meaning plus Wellington's interesting gist – BBC News

  • November 3, 2021
  • 3 min read
Adesua Etomi Wellington, Banky W baby Zaiah: Baby Zaiah meaning plus Wellington's interesting gist – BBC News

Wia dis foto come from, Instagram/@adesuaetomi
Adesua Etomi Wellington and Bankole Wellington AKA Banky W baby Zaiah arrival dey sweet belle of many Nigerians.
Di Nollywood actress and her husband wey be Nigerian afrobeat singer finally announce for dia social media handle say she born baby boy, four weeks afta dem born di pikin and fans of di couple no fit hide dia joy.
Hundreds of thousands 'congratulations, well wishes and love' don dey pour in from different corner to Nollywood actress Adesua Etomi sake of di birth of her son, Zaiah.
"…My baby had a baby and he be everything we prayed for @adesuaetomi Happy birthday "Mama Zaiah" I love you SCATTER." Banky W post for Instagram and Twitter.
Di singer add say "God turn our tears into triumph, and our loss into laughter. E change our lives forever, here na to di next chapter."
Wia dis foto come from, Twitter
And Adesuwa reply with love message and emojis.
Banky W and Adesua Etomi marry for 2017.
Banky W write for im Instagram handle say;
"read in full: e name na Hazaiah Olusegun "Champ" Wellington (we call am Zaiah, pronounced Zah-Yah, or Champ)
Hazaiah means God sees/God don see in Hebrew. Olusegun means God don give us victory in Yoruba. E captures our testimony regarding di journey towards im arrival; Zaiah na truly answer to our prayers.
God get di final say. And I no know wetin you dey pray for or hope for… but I do know say God still dey in di business of answering prayers, and if you no fit trust am, and place your faith in di Giver, not in your prefer timing of e gift, nothing dey impossible. If e fit do dis for us, please believe e fit do anything for you.
Wia dis foto come from, Other
According to names.org, pipo from different part of di world submit where dem feel say di name come from. 53% of di users say di origin na Hebrew, while 28% say na from Arabic and 19% say na English name.
One user from Uganda, say di name Zaiah mean "God is salvation".
Anoda user from Maryland, U.S. say "Zaiah, na derivative of di name Saiah and both originate from di name Isaiah – meaning God is salvation".
One pesin from Virginia, U.S. say di name Zaiah na Hebrew origin and mean "Gift of God".
Some oda pesin from Ireland say di name Zaiah mean "Beautiful Goddess".
Meanwhile one study say di Name Zaiah dey popular for Arabic speaking kontries meaning "Popular" and "Well-Known". Zaiah na gender neutral name, meaning say both boy and girl pikin fit ansa am.
Wia dis foto come from, Instagram/@adesuaetomi
Wia dis foto come from, Twitter
Wia dis foto come from, Twitter
Wia dis foto come from, Twitter
Wia dis foto come from, Instagram/@bankywellinton
© 2021 BBC. De external site no concern BBC. De way wey we de take go external link.

source

About Author

redex

Red ExplorerNG is an online platform showcasing the richness of African culture. It provides online information that is not only limited to the following categories: Culture, Lifestyle, Entertainment, Business, Sports, Books, News, and Opinions.

Leave a Reply

Your email address will not be published.

This site uses Akismet to reduce spam. Learn how your comment data is processed.