July 6, 2022
News Uncategorized

Nigeria vs Cape Verde: Super Eagles qualify for World Cup playoff round afta 1-1 draw – BBC News

  • November 21, 2021
  • 4 min read
Nigeria vs Cape Verde: Super Eagles qualify for World Cup playoff round afta 1-1 draw – BBC News

Wia dis foto come from, FIFA
Nigeria don qualify for di playoff round of qualification for Qatar 2022 World Cup.
Di Supper Eagles 1-1 draw wit Cape Verde see dem finish top of di group wit 13 points.
Cape Verde finish second with 10points but e no dey enough as na only one team fit progress to di playoff round.
Nigeria bin need just one point from di game and dem start di match well as Victor Osimhen open di scoring after one minute.
Di fast start to di match continue as Cape Verde equalize five minutes later. Stopira hold off Nigerian defenders as im fire di equalizer from corner kick.
Cape Verde goalkeeper Vozinha deny Nigeria from taking di lead again as im stop Joe Aribo shot on 30mins.
Unlike dia last match against Liberia, Nigeria bin look lively especially for di first half but dem fail to capitalise on dia dominance of possession as Cape Verde defence prove todey solid.
Di win see Nigeria join Senegal, Algeria, Egypt, Mali, Ghana, Morocco and DR Congo as kontris wey don qualify for di playoff round. Two more go join dem aft Tuesday night matches.
Na only five of dis teams out of ten go qualify for Qatar 2022 World Cup.
Wia dis foto come from, Getty Images
1min – Goal!!! Victor Osimhen don score for Nigeria. 1-0. Moses Simon cross ball from right, Osimhen wey look like say im dey offside control di ball come slot am into di net.
6mins – Goal!!! 1-1. Stopira head in Rochas Santos cross from corner-kick.
14mins – Nigeria win freekick near Cape Verde dia post. Moses Simon take am but di ball go out for corner-kick.
17mins – Yellow Card for Wilfred Ndidi. Dii referee rule say im elbow Tavares.
22mins – Moses Simon dey down and need attention from Nigeria medical team.
25mins – Simon dey fit to continue. Im cross from corner nearly lead to goal but Balogun header go ova.
30mins – Save! Aribo fire shot from Ighalo layoff but Vozinha save am. From di corner, Osimhen header go wide.
33mins – Chance! Ighalo connect wit Osimhen cross but di header no dey on target.
39mins – Moreira Joao Paulo foul Simon just by di byline. From di freekick, Vozinha parry am go out for corner.
45mins – Officials add two minutes extra time.
46mins – Cape Verde get counter attack. But e ammount to nothing.
47mins – Half time, as tins stand if di match end like dis Nigeria go still go through to di next round.
46mins – Cape Verde resume play from di centre circle.
49mins – Jamilu Collins cross nearly find Osimhen head. Cape Verde clear di ball for corner wey Super Eagles no maximise.
52mins – Centre referee warn Nigeria coach Gernot Rohr to dey calm.
58mins – Maduka Okoye rush out to collect through ball wey for send Andrade clean through on goal.
66mins – Cape Verde make three substitutions. Jeffry Fortes, Jamiro Monteiro and Patrick Andrade OFF while Willy Semedo, Nuno Borges and Gilson Tavares come ON.
68mins – Nigeria remove Moses Simon come replace am wit Abdullahi Shehu.
74mins – Nigeria dey launch di ball go front but Cape Verde defence dey firm so far.
76mins – Substitution: Vagner Goncalves come ON for Joao Paulino
78mins – Iheanacho and Aribo replace Ighalo and Onyeka
82mins – Osimhen try to find Iheanacho wit cut back but Cape Verde clear am for corner. di corner miss everybody go over.
85mins – Balogun collect yellow for rash tackle. Dis na good opportunity for Cape Verde.
86mins – Chance! Di freekick see Semedo connect wit di ball e hit Shehu just inside Nigeria penalty area.
89mins – Paul Onuachu come on as substitute for victor Osimhen.
90+3mins – Di match still dey 1-1 and if e end like dis Nigeria go top di group.
Full Time – Nigeria don qualify for di playoff round of qualification for Qatar 2022 World Cup.
Di Supper Eagles 1-1 draw wit Cape Verde see dem finish top of di group wit 13points.
Nigeria lineup: 1. Okoye, 20. Awaziem, 5. Troost-Ekong, 6. Balogun, 3. Collins, 4. Ndidi, 10. Aribo, 15. Simon, 18. Iwobi, 9. Osimhen, 19. Ighalo.
Cape Verde lineup: 1. Vozinha (G), 2. Stopira, 7. Andrade, 22. Fortes, 4. Fortes S, 3. Lopes, 20. Mendes (C), 10. Monteiro, 15. Moreira Fernandes, 18. Rocha Santos,
© 2021 BBC. De external site no concern BBC. De way wey we de take go external link.

source

About Author

redex

Red ExplorerNG is an online platform showcasing the richness of African culture. It provides online information that is not only limited to the following categories: Culture, Lifestyle, Entertainment, Business, Sports, Books, News, and Opinions.

Leave a Reply

Your email address will not be published.

This site uses Akismet to reduce spam. Learn how your comment data is processed.